Chin Mi Pawl Ramthu Fehpi Dan

Chinmi Pawlin Ram Thu an Fehpi Mi Ruahnak Pawl

Date: Fri Apr 13, 2001 2:00 pm

(Chin People’s Contemporary Political Ideologies, 1988-2001)

Kan dunglam kumkul sung ahhin Chinmi pawl hmundang le ramdangah fehsuakin
khualtlawng vaktawi, cangvaihnak a phunphun tuan le cazir sang an tam aw vivo. Harsatnak tampi karlakah, khuahlan nun hnak cun theihnak, ruahnak le neihnak khalah an tthangso ngaingai. 1988 ihsi thawkin Chin mipi pawlin Ram Uknak thu ah an fehpi miruahnak (Political Ideologies) a bang aw lo mi a um hnuaihni. Cu pawl lakah a lardeuhdeuh pawl cu: 1) Democracy, 2) Miphun Mahte Rorel theinak (Nationalismor Self Determination), 3) Kawl Hngotsan ih hmalaknak (Constructiveengagement), le 4) Chin Hnahthalk Zawm Awksalnak (Irredentism) pawl hi atlangpi thu in an si. Hi ruahnak pawl hi hmun tampi ah an bawm aw zet veknan khatlamah an kalh awknak tampi a um ih Chin miphun dothlennak lamzin zawh in cakzetin feh thei lo dingin daltu ah a cang. Chin mi lakah lungrual ten hma laknak a um thei lonak bik pakhat cu zapi hngat awknak ruahnak hngetkhoh (strong and compelling Ideology) a um lo ruangah a si.1) Democracy:Kawlram kumpi zalennak a hmuh thawk ihsin Chin mi pawl ih ruahsanmi uk awknak cu Mipi thuneihnak (Democracy) a rak si. 1988 ihsin tlawngta le mipi in 1962 ih a thawkmi kawl ralkap uknak an duh nawn lonak an langter, Chin pawlin Democracy an duhnak thu nasa zetin langter a si. Asinan 1988 ih tlawngta le mino pawl hrekkhat cu dothlenak tuah thawk a si tikah Democracy hnakin Miphun Rorelnak (Nationalism-self determination)thupi sawn ah retin Democracy uknak hnuaiah Mahte Miphun Rorelnak nei theidingin an rak fehpi. Mipi tampi cu ramsung ah umin uknak thleng awk ding cuhngak cio a si. 1990 kum mipi hril awknak ah Chin mipi pawl in democracy anduhsawn zia zalen zetin an langter. Mipi tamswn thinlungah Democracy ( mipithuneihnak) cu ruahsan mi a si. Kawl ralkap pawlin 1990 ih mipi hrilmikutah thuneihnak a pek lo tikah Democracy hril awknak ah a rak zuamtu pawl(party) hotu le sungtel mi tampi ramleng ah an tlan ih Democracy ngah thei nak ding hrangah thei tawk cio an zuam. Democracy hrang zuamnak ih tumtahmi cu kawlram uknak thlengih mipi thuneihnak (Democracy) uknakin ram hruai ding a si.(2). Miphun Lalnak (Nationalism vs Self-determination)Ram Dinkhawm Kawlram kumpi zalennak a hmuh thawk ihsin Chin mi pawl miphunpumkhat sinak lamah tampi hma an sawn. Miphun ni tiang rak hman thawk asi.1962 ihsin kawl ralkap pawlin ram uknak thuneihnak an lakih mipi zalennak ansiatsuah tikah Chin upa le thuruat thiam, pumpe hrakkhat pawlin Chin miphunin thuneihnak, mahte rorelnak a neihsal theinak dingah an rak zuam. Asinan1988 hnu lam ih Miphun hrang cangvaihnak hi kawl pawl thawn kan kawm awk hnuah a langsar bik dothlennak asi. 1988 ih Democracy hrang a rak do tu mitampi cu ramhnuai le ramlengah kawl ralkap kumpi do in dothlennak tuah asi. Dothlennnak tuah tikah Democracy hnakin Miphun Mahte Rorelnak (Nationalself determination) a thupi sawnah ruatin hmalak asi. Miphun Rorelnak hrangcangvaihnak khal hi a falih cangvaihnak si loin Democracy hrang cangvaihnakthawn a cawhpawlh, cemcih asi fawn. Miphun pakhat sinak ah Chin mipi cu lungrual in a lang ko nan peng le ramthen lak ah siseh henchman tete lakah siseh pawlkawm awknak tthat lo ruangah le ruahnak hngat awknak bulba neih lo ruangah mipi huap thei tu pawl (party) pakhat hman a um thei lo. Mi zo khalin Chin miphun pumkhat sinak thin lung an nei cio in a lang ko nan thleidan awknak le mai peng le mai henchman misa duhsak awknak thinlungput (tribal mindsets) pawlin lungrualnak nasa ten a siatsuah fawn. A tawizawngin sim asile Chin miphun pawl hin miphun pitling pakaht si in mahte rorelnak, uk awknak nei thei dingin Chin miphun sung lala ah pumkhat sinak, rin awknak ngaingai a um hrih loin a lang. Cuti3) Kawl Hngotsan ih hmalaknak (Constructive engagement)Ramsungah ruahdan pakhat mi hrekkhatin an hngat awknak cu kawl mipi thawnziangtik lai khalah pawl kawm aw in hma laknak neih asi. Hril awknak le ramtthansohnak thu khalah kawl pawl thawn ttangrualin hmalak a si. Mahte miphunrorelnak le thuneihnak hrang si loin kawl pawl thawn hma la thlangin kawlhotu pawlin in lungkim pi tawk Chin miphun hrang khalah ziangkim canvo neive ding asi. Political party din tikah khalah kawl pawl thawn zawm aw aw in hnatuan asi. 4) Chin Hnahthlak Zawm Awksalnak (Irredentism)Chin miphun cu India, Kawlram, le Bangladesh ah a hranhranah tthentthek in asi vekin mi hrekkhat pawl cu kom khawm awksalnak ding hrang hma an la ih annawr. Cumi cu ramkulh hranhran ah a tthen aw mi Chin hnahthlak pawl komkhawm aw salin mahte uk awknak, a zalenmi ram din a silole kawlram maw Indiamaw pakhatkhat sawn ah kawm ding a si.Khaikhawmnak tawite:1) Democracy:Chinmi pawlin Democracy hrang cangvaihnak neihmi pawl hi kawlram sung miphumkimin ralkap uknak kan duh loih Democracy kan duh a si ti langternak le mahte mai miphun thuneihnak lamzin sialnak hrangah siseh kawlram miphun dang pawl thawn hnatuan tlannak ah siseh leitlun ramtin hnenah politics cangvaihnak hrangah atha. Asinan kan Chin mipi in kan tul mi le duhmi, Chin miphun mahte rorel le thuneih nak, mahte uk awknak thawn khaikhawm tikah Democracy uk awknak cuhmanrua pakhat vekin hmuh thiam a thupi. Democracy kan ngah tikah cun tui ralkap uknak hnak cun tampi hmasawnnak le zalennak a um ding ti cu a fiang. Asinan ziangvek Democracy kan hmang ding timi parah kan Chinmi pawl in ziangvek le ziangtluk tthathnemnak le zalennak kan nei ve ding ti mi a tthum aw. Chinmi pawl duhthusam kim thei dingin Chinmi lala induhnak ausuahpi ngam a ttul. Chinmi pawlin ausuahpi nak um loin kawlpawlinkan duhthusam in pe ding tiah ruahsannak cu zunmang vekfang asi. Mimal lepawlmal hlawknak bak miphun pumhuap in zalennak, rorel theinak letthasohankah hma lak theinak ngaingai nei dingin Chinmi thotho in ausuah pingam a ttul. Cutikah pawlmal (party) pakhatkhat thurin ruang ah maw party aiawh ih hril mi MP pahnih khat duhnak men in Chin mipi duhthusam cu kawl hruaitu pawlin an pitlinter lo ding ti cu a fiang. Curuangah Democracy a si khal le Chinmi hruaitu le mipi auaw pakhat ten duhthusam fehpi ngam a ttul. Chin miphun in kan duh mi le duhthusam hmu thei dingin chin mipi auaw cu burkhat le aw khat ten ausuah le dinpi a tul. 2) Mahte Miphun Rorelnak (Nationalism vs Self Determination)Leitlun ramtinah miphun tampi cu Mahte Miphun Rorelnak (Nationalism) hrangan cangvaihnakin miphum dang le ramdang uknak kuthnuai ihsin a zalenmi ansi. Miphun thuanthu ruahnak tel loin democracy ruahsannak ah hngat awknak cusanthar san ih pawmzua ruahnak le a awlsam zawngih a ruat thiamtu pawlhrang ahcun a ttha zet. Ziangah tile kum zabi 21 hnakah kan thleng zoih ramhnget khoh cia le uktu can a cang tu pawl in Miphun thliarhran awknak(Nationalism) hi democracy dotu a si an tiih anmai lalnak le uknak ram ahnaihnawk thei ruangah an duh lo. Cutikah ram hnget khoh zo le uktu can cangtu miphun pawl hin Miphun thliarhran awknak (Nationalism) hi an do bik mipakhat asi. Asinan Chin miphun pawl hin Mahte miphun rorelnak le thuneihnak hrang a suallo asile Chinmi hrang hmakhua cu kawl pawl kutah a ummihkawl pawlin ttha an ti tawk fang, in zangfahzat fang Chin mipi in a co tawk a si a ding.
Miphun rorelnak hrang hlawmkhawm in cangvaihnak (national movement) lawng hi Chin mipi duhthusam lam hmuh thei tu ding umsun asi. Mahte mimal maw pawlmal in maw kawl pawl thawn cabuai parah rorel tlangnak cu mimal le pawlmal hrang ahcun tampihlawknak a um thei nan miphun pum huap in kan zoh asile miphum zapihmalaknak dal tu asi tikah miphun thuanthu ke phet tu ah a cang.Cun Chin mipi lakah peng hranhran le ttong hranhran hman a si tikah pawl(party) pakhat sungah hma laknak um thei lo hman sehla zo cio khal Chinmiphun zapi huapin ziangtin auaw (voice) pakhat kan suah thei ding ti mi himiphun hrang a ruat tu cun a ruat ding hrimhrim asi.3) Kawl Hngotsan ih hmalaknak (Engagement)Kawlpawl thawn kawp awin miphun hrang cangvaihnak hi khatlamah tthatnaktampi a um rualrualin khatlamah miphun thuanthu a tibalhnak a um. Kawl upa pawl thawn hmalak tlang tikah tampi theihnak, neihnak le canvo ttha mimal lepawlmal hrangah a um thei. Asinan khatlamah miphun hlawmkhawmnak le miphunmahte rorelnak lam zoh tik ahcun mimal, pawlmal in kawl pawl thawn hmalak tlangnak cun Chin miphun zapi te hmasawnnak (national movement) lamzin kalh tu asi thei. Miphun Mahte Rorelnak titikah kawlpawl dodalin zalennak (total independent) sual ding tinak si loin Chin miphun pawlin mahte thuanthu kilkhawi, kenkawh thei le duhthusam in than sohnak hrang hma la tlang thei dingin le Chin mipi lungawinak hrang zalenzetin tuan thei dingin a zalenmi ukanak sawn asi. Cutin asiruangah kawl pawl thawn kawp aw in hnatuan tikah Chin miphun hlawm awknak le pumkhat sinak hi a thupi bik ah ret ringring in cumi bawm tu le Chin mipi zapi duhnak pitling thei nak ding kalh tu zianghman zohman in tuahlo a tha.

4) Chin Hnahthlak Zawm Awksalnak (Irredentism)Leitlun hmun tampi le miphun tenau tampi cu miphun tam deuh le tum deuh pawluknak hnuaiah tthendarh in an umih miphun finkhawm salnak hrangah an sualbuairero. Cu lakah Chin miphun khal India, Kawlram le Bangladesh ah tthendarhin kan um tikah upa le khuaruat thiam hrekkhat cun Chin miphun finkhawmawksalnak le Mahte Miphun Rorelnak hrangah hma an la ih an zuam rero. Zo ciokhalin Chin miphun hnahthlak hmuahhmuah pumkhat kan si ti thinlung kenginhmunkhat le ramkhatah mahte rorel thei ding cu thinlung duhthusam cio a siko ding. A tufangah himi a harsatnak pakhat cu leitlun ram tampi (International )theihpi le pawmpi mi ramririn remsal hi thil har ngaingai asi. Cuibakah kanChin miphun lakah auaw pakhat rualran ten suah thei mi kan nei lo. A harruangah tuah lo ding tinak si loin tulai fang dinhmunah kan miphun thuanthuin a fehpi rero lai mi zoh tikah ziangvek hlawknak a umih ziangvekhlawklonak a um, ziangvek tum tahnak pawl hi pitlin theih asi ti zoh thiam a ttul.Atufang dinhmunah Chin mipi in ziangvek hmanrua (socio political capital) kan nei ih ziangvek hrangah kan hman tikah kan miphun thuanthu a tuah tha bik dingih Chin mipi lung a awi bik ding tiah ruat thiam a tul. Nikhat nini ah Chin miphun nu le pa pohpoh in "Chin hnahthak pohpoh cu ka fa lena si" an ti thei tikah, Chinmi fala le tlangval pawlin "Chin hnahthlakpohpoh cu ka unau, ka farnu, ka ttapa na si" an ti thei tikah, canpual (public opportunity) zem awk tikah a naute sawn in "ka u, nangsawn siseh" an ti ih a upa sawn in ":Ka nau, nangswn siseh" an ti thei tikah, thiehnak a karzai vivo dingih ruahnak mulemal nei lo ttansan nawn loin upa le a thei deuhdeuh le ruahnak ttha sawnsawn "Amen" kan titlangthei tikah, neihnak tla a karh vivo dingih "Nang ei hmaisa aw" kan ti awk theitikah, miphun siatnak a tuah tu cu kan zaten ralah retin tthatnak a tuahtucu zokhalin cawimawi tlang vialvo a si tikah, upa le nu le pa in nauhak pawltthasohnak an ruatih naute deuhin upa pawl ruahnak ttha ttha an lak theitikah, Chin miphun hrangah Pathian in lungawinak ni a khawkhan mi cu kan hmuleh ko ding. Hmuntin ramtinah mi mithmai zoh in mi hnen um, hlawhfa,siahhlawh a tttuan rero tu pawl lungawi ten mai ram, mai inn, mai khua ah,mai thisen pi pawl thawn hla sak tlangin lungawinak thu an ruah aw leh ding.Cutikah mualphoza in miphun dang hnattuan duh lo mi ttuan in le mai tum lo pi hrehcingin thuphan phuah cawp rel rero khal a ttul nawn lo ding. Cutikah zo ciokhal an thinlung hma a dam dingih mithmai pan ten fala le tlangval hmeltthattha in kan ram cu an ceimawi dingih kan miphun thuanthu cu kilkhawi leceimawi a si ding. Cuticun kan miphun Pathian khal kawakawa asi dingihkan miphun khal cawisan asi ding. Tui kan tonmi cio cu khuahlan thuanthu ruahvekin tesin fapawlin an run sim leh sawn ding. Tesinfa pawlin thuanthu mawite sim ding anneih theinak dingah a tuih mino le tthalai, nu le pa pawlin thinlung,thazang le neihnak sengin nan ttuan rero lai mi cu miphun thuanthu ro khawlrero nan si. Inn pi hram cu a bul (founation) bun rero lai asi ih kan pupa pawl hram rak toh cia mi parah tuisan minung pawlin kan miphun thuanthu hram kan ttoh timi parah kan tesinfa pawl an leng lai ding. Lungawi;

:“Mi zo khalin an thin lung cio ah ‘thiltha’ tiah ruah mi an nei cio, asinan thilthabik cu zapi hnenah theihter asi ringring lo.”

:”’Thiltha sathliah’ cu thilthabik dodaltu a rak si theu ti hi mi tampi in thei hai sehla thilthabik le mi zapi lungawinak sawn hi tuan an duh cio ding nan.”